Was söll ich schriibä? Ich lahn dä Jubilar am Bestä sälber, die Party beschriibä.
Drum da sini Lobeshyne ;-)
Mini liebe "Töfflibuebä"🏍
Ich säg's jo immer wieder: E Party isch immer nume so gut wie ihri Gäscht!!
Und was söll ich säge? Ihr sind nöd gut gsi...
Ihr sind legendär gsi, die Party🥳🎉 isch vor allem dank Eu so meeega gsi!
Also am Samschtig hani denn zwor no de ganzi Tag glitte....😱😱😱....en wiitere Nachteil vom älter werde, de "Kater" bliibt eim devinitiv länger erhalte 😉🙄
Und denn Euri Verkleidige, Mann oh Mann!!!!
De Lemmy vo de Motörhead höchschtpersönlich, mit sine legendäre zwei Warze, professionell improvisiert us Wienerli und Sekundekleber (Chapeau für dä Muet!).
Und als wär das nonig gnueg, schwebt de Tom Cruise direkt us Top Gun i de Raum, Sonnenbrülle😎, Blick und Flugi-Charme on point!
Dazwüsche isch, wenn ich richtig gseh han, sogar de Adriano Celentano höchstpersönlich uftaucht, d'Gitarre🎸 griffbereit und d’Hüfte locker wie eh und je.
Dä Cowboy-Sänger🤠 het au nöd gfehlt, voll im Country-Element, und de Philippo… äh ja… de Philippo isch definitiv öpis gsi, nur grad nöd identifizierbar, aber mit Stil!
Und natürlich, nöd z’vergässe: de Udo Jürgens! Stylisch wie immer, im Bademantel, mit em Glanz vo „Ich han s’Showbiz erfunde“ im Blick.
Was für en Ufmarsch, Hollywood🎥 hätti nidisch glueget!
Und das isch jo nume en chliine Usschnitt vo dem kunterbunte Karneval vo de Kostümkunst gsi!
Ich bin regelrecht begeischteret gsi, vo de Kreativität, dem Mut und dere herrliche Schrägheit...entzückt und schtellewis liecht überforderet, aber uf di schönschti Art.😍🌈🤩
Und dänn… all die Darbütige!
So viel Performance, Variatione und Showilage, ich han gelacht, gschtuuned, klatscht, und irgendwänn hani gar nüme gwüsst, öb ich ufere Geburtstagsparty oder bim „Switzerland’s Got Talent auf Ecstasy“ glandet bin.
Und es git do jo dä eini Moment, wo mich bsunders... sägemer mol... überrascht hät: 😳🛏
Ich han jo würklich nöd gwüsst, dass ich mitem Gody mol e Nacht zäme im Bett verbrocht gha han!!
Aber Gody, kei Angscht, ich erinnere mich a nüt. Was entweder heisst: Es isch harmlos gsi… oder so wild, dass i mim Gedächtnis vorsorglich allles glöscht worde isch.😂🙈
Guet, ich gibes jo zu, ich bin vielleicht nöd immer dä Inbegriff vo Eleganz, mini eigete Tanzmoves sind jetzt nöd grad Broadway-reif, eher so zwüsched „Tanzender Elch“ und „vergessener Onkel auf der Hochzeit“ oder so en Mix us "Pinguin mit Muskelkater" und "Staubsauger auf Speed", aber Hauptsach, mir händ all üsen Spass gha, oder?🕺💫
Und denn Eues überus grosszügigs Geschenk🎁, im Hotel Bristol in Zermatt…also ehrlich, das isch ja de absolute Wahnsinn!!! Daaaaanke Eu gaaanz vielmol…...🤩🤩🤩
Ich freu mi jetzt scho wie en frisch gwachsete Skifahrer⛷ uf d’Piste, mit em Matterhorn🏔 im Hintergrund und de Sunne☀ im Gesicht.
Wer weiss, viellicht überhol ich ja no d’Wendy Holdener im Parallelslalom (oder sie mich, viellicht eher es realistischers Zielszenario😄).
Und ja, ich han ghört, es hätt tatsächlich vereinzleti, üsserscht engagierti Stimme geh, wo gmeint gha händ, es neus Navi wär vielleicht e chli meh alltagsnöch gsi🤣🤣🤣.
Aber ganz ehrlich: die mehrfachi Ehrenrundi um Hegi und Wiesedange, das isch doch puri Abenteuerromantik gsi! So öppis plant keis normals GPS...unvergesslich!
Also, mini fantastische, liecht verruckte "Töfflibuebä"
Danke! Danke, dass ihr min 60-igschte so gerockt🤘 händ, als gäb’s kein Morgen meh!
Ich werd mich beschtimmt no lang dra erinnere, bis ich 70 bin… oder halt so lange, bis d'Demenz entscheidet, mir en chliine Streich z'schpile...
Blibet wild - blibet bunt – blibet chli gagga! 🥳🛶🎉
Euer zutüfscht glückliche, liecht verwirrte, aber überglückliche 60er-Jubilar & Road-Captain, Martin
Kommentar schreiben